KINANTHI KLENIK
Kinanti liring pitutur
Hanutur kang kersa njawi
Ngertia nalika smana
Wong Jawa dipaekani
Kinen mbuang ilmu nyata
Klenik ilmu ra prayogi
Murih bisane digugu
Tinitipake agami
Yen percaya klenik dosa
Ibadahe tan tinampi
Nanging kocapa wong manca
Ngerti Jawi pusat ngilmi
Wong ngamanca dadi pandung
Ngasta kitab technologi
Sine ngilmu neka warna
Wekasan Jawa kawuri
Wong manca kajolandara
Ingkang Jawi kinen ngaji
Ingkang aran klenik iku
Clenn saka tembung keloning
K – nipun sinebut photon
K – partikel ingkang werdi
Dumunung ing ujung sinar
K – iku bibit dumadi
K – menika paling lembut
Datan bisa dideteksi
Uga tan duweni masa
Sinar tansah nuju bumi
Wonten bumi eneng apa?
Marga duwe mines inggil
Sinar tansah tumuju vakum
Njro mines mesti produksi
Conto bumi lan wanita
Ing rahim vacum produksi
Bisa kloning sipat jalma
Ing njro roh dibusanani
Roh Suci ingkang kinandut
Diproses dibusanani
Murih mijil katon nyata
Busanane tigang warni
Badan Rochani kang eka
Badan Jasmani ingkang dwi
Katri Badan Wadagipun
Jangkep ceta dadi bayi
Kloninge nyedot king njaba
Sarine rasa, anasir,
Sarta Sari Tetuwuhan
Sari – sari bisa dadi
Sari rasa dadosipun
Rasa pangrasa sayekti
Sking anasir dadi sipat
Sari tetuwuhan dumadi
Beleger panca indriya
Kabeh asal sking materi
Beja ing Jawa dumunung
’ Sih akeh ingkang alami
Beda klawan timur tengah
Sarwo panas kang anasir
Tetuwuhane tan kathah
Dadi sipat owah gingsir
Mula Nabi keh tumurun
Tabib nekani wong sakit
Diparingi obat tamba
Dosisipun banget inggil
Njaba sehat njero lara
Sih akeh sing ora mari
Tiyang mriki nderek ngunjuk
Ngunjuk obat tanpa sakit
Ora ngerti lara apa
ananging tan diselak i
Panduk panduming dumados
Beda - beda ingkang warni
Njur Klenik salajengipun
Khuark,atom,unsur atmosfir
Kabeh proses klenik ika
Cethane skabehing dumadi
Ananging mangertenana
Saklembutipun materi
Sang urip sak lebetipun
Urip hobah hangobahi
Obahe atom H lan O
Senyawane dadi warih
Yen atom tan diobahna
Mangsa bisa dados warih
Iku minangka contonipun
Akeh banget warni – warni
Ilmune gusti menika
Tan bisa sanggup tinulis
Puncakipun ilmu ika
Pengkloningan wujud jalmi
Manungsa urip puniku
Lamun bisa anggaweni
Aja banjur ngaku bisa
Piye yen tininggal Urip
Skabehe pakaryan ika
Ora bakal wujud dadi
Sapa sing cet lombok puniku
Ujare wong yekti Gusti
Sang hYang Widhi, Tuhan, Allah
Ingkang bener yekti Urip
Wit yen dibedol Allah sih ana
Pa sida ngcet yen wit mati.
Skabehing pangerten iku
Bisa nyebut Allah Gusti
Yen tininggal turu ilang
Sapa kang isih nunggoni?
Urip kang sih nggelar rasa
Sabar,’dyan tan dingerteni
Digendong rinten dalu
Mobah polah den uripi
Nanging datan mangertia
Yen Urip Gusti pribadi
Mnawa Urip purikan to,....
Wong dodol kembang keh bathi
Sabar welas asih iku
Sampun sipate Sang Urip
Lan jujur narima iklas ngalah
Yogya nira para jalmi
Ska awreda mnyang taruna
Den esthi den agem yekti
Pun cekap caos pisungsung
Mugya bisa mahanani
Seratan sanes Pujangga
Kidunge Kinanthi Klenik
Sisip sembir nywun aksama
Rahayua sagung jalmi
Indonesian Rupiah Exchange Rate
Tidak ada komentar:
Posting Komentar