ADVERTIZED

ads ads ads ads ads

Kamis, 16 Desember 2010

JANGKANITISASTRA

Megatruh

SESEMBAHAN JATI

Jenengsira wus tumekeng truna kulup,

Ingsun arsa mangerteni

Aran Gusti sinten hiku?

Sapa sesembahan Jati?

Ing endi papan dunungnyo

Lamun tan uning yekti sih padha nglindur

Bisa nyebut tan nyekseni.

Lir bocah ajar celathu.

Tan ngerti dununging arti

Aja tuwas tekeng tuwo

Poma kulup den gatekna weling ingsun

Ingkang den wastani Gusti

Galih ingkang paling Bagus

Sjatining Galih yo Urip

Urip kang murba miseso

Saindenge Jagad rat kapurba estu

Tan ana kang den liwati

Yen cilik, cilik kalangkung,

Ageng tan ana ngluwihi

Kwasane obah lan roso

Sinom

Yen sira arsa manembah,

Katujokna marang Urip

Tuhan Allah God lan Yehwah

Iku pangerten ing lair

Mnungsa wis bisa ngarani

Nalika sih bayi iku,

Apa wis bisa kandha.

Bayi tan ngerteni nami.

Nging bayi sih nyandang Urip,iku nyata

Pangerten dununge njaba

Yen ditinggal turu lali

Skabehe pangerten ilang

Kang sih jumeneng Sang Urip

Tansah sadar nggelari

Ana ing badan sakojur

Iku nyata lan krasa

Yen mungkir iku ngapusi

Krasa rumangsa ngrasakke iku nyata

Yen tetep nora percaya

Piye yen urip ngoncati?

Nadyan ginggang sa’rambuta?

Njur sinebut sida brangti

Alias tekeng pati

Mula ilmu iku perlu

Ben ngerti kang den sembah

Yen Gusti ana pribadi

Tan susah luru menyang negara manca

Lamun sira sampun pirsa

Mesti bakal welas asih

Mnyang sapadha – padha janma

Sbab kabeh Gusti pribadi

Samengko aja lali

Mnyang kang nggendong rina dalu

Urip tansah ngetutna

sabar ’dyan tan dingerteni

manungsa malah golek pangerten njaba

Kinanthi

Mula kulup enggal wungu

Yen kebanjur temah rugi

Mumpung isih ana wekdal

Wasuhen dodotnireki

Ingkang bedah dondomana

Aglis siap song – song ari

Katon cedak tandanipun

Montor mabur nyasmitani

Padha jeglok tanpa sebab

Pesawat dadi simbolis

Wong luhur akeh kang tiba

Angen – angen gya kabesmi

Ingkang waspadha saestu

Matna kahanan samangkin

Iku ngandung surasa

Tulisan Gusti, pribadi

Sastra Cetha WadiningRat

Dumunung alam sakalir

Sileme Perau Gabus

Ngambange si Watu Langking

Gunung – gunung muntah jlagra

Gaib kang dumunung tangi

Kabeh wiwit sapatemon

Mluber muncul tuk ing bumi

Wus wayahe arsa metu

Njedul Satriyo Piningit

Sad lan tri lan yo werdinya

Sad enem tri wus ngarani.

Yo iku toya wastanya

Satriya iku Roh Suci

Bentuk sanga saka banyu

Banyu Urip eneng Galih

Kang sinengker gya kabuka

Saking telenging jaladri

Melesat mbuka warana

Jumeneng Sang Ratu Adil


BOOK BY TERM NITISASTRA extracted MPU BRI HAWAN NOTOSEWU REAL BOOK OF NITI RM.KOESEN (Contains data Kasunanan Intelligence Agency Surakarta Palace also contains a prediction that something will happen around the world)

Tidak ada komentar: