Megatruh
PAWELING GAWAT
para kadang kang kersa tak anggep sdulur
lan para sdulur kang arsi
ingsun matur ing ngarsamu
rumesepno jroning ati
pawelingku den rungokno
gawat estu kadangku lamun tan purun
bakal getun ing salami
sebarno mnyang anak putu,
tiyang sepuh lan kang estri
uga menyang pawong mitra.
Ing wekdal samengko lan sabanjuripun
Hendakno hardaning napsi
Jo nganti anyimpang laku
Ojo suko cidreng janji
Ojo seneng hamaeko
Aja nganti katut ubaling dahuru
Sabisa – bisa kang arih
Tumindak e ingkang jujur
Aja seneng ngayal sugih,
Nadyan luwe aja nyolong
Eling waspada lawange dipun tutup
Keh durjana ingkang nenggi
Yen binukak maling mlebu
Nangkodane bisa ganti,
Suksmo murko lan hangkoro
Karsa ala iku lawang wis ambuka
Banjur kepanjingan iblis
Njur ngajak nuruti nepsu
Wus lepas saka kendali
Yen masuk tan bisa endo
Yen nyawiji manungsa, dajjal aranipun
Tan bisa dilawan Kyai
Tan bisa dilawan Wiku,
Pendeta , Pastur wong suci.
Uga donga lan pusoko
Mungsuhipun tan liya amung Sang Wisnu
Gesang kang wis nunggal diri
Knapa sun mawanti estu?
ben ra getun ing salami
marga jangkane wis prapto
na wit urip tinandur langit sap Pitu
wus kaping nem kurang siji
kang dimaksudake iku
uriping saben pribadi
reinkarnasine manungsa
diparingi ngapura nganti ping pitu
lamun durung bisa bali
kang ping pitune wis putus
wus tan antuk ing aksami
manjing nraka salamiyo
wektu iki tumindak durjana iku
hukumane ‚‘cash and carri‘‘
iku merga tresnanipun
Gusti dumateng sujanmi
mrih enggal nyuwun ngapuro
aja malah diayem – eyem puniku
”sabar, gusti nembe nyobi’’
Dadi,ra ngakoni iku
Waleh marga salah kaki
Rekasane tambah dowo
Menawa tumindak culika slamet iku
Iku kang mesakke kaki
Sampun mboten dipun wengku
Gusti tan nggatekne yekti
Mula welingsun gatekno
Kanggo sdulur kang wis nandang roba iku,
Sepisan kudu ngakoni,
Pindho apura disuwun
Ping telu aja mbaleni
Papate eling waspodo
Uga sedulurku kang lagi kabendu,
Aja ngasi kumowani,
Golek margi harta karun.
Kang kedoke barang antik.
Eling hukum rejeki lho
Lamun nyuwun pitulungan ilmu dukun,
Batine dukun ngakoni
Tan bisa aweh pitulung,
Sanadyan diri pribadi
buntut – buntute maeko
coba gatekno hukum rejeki iku,
kutub plus tandane rizki
yen amburu arahe plus
lir wesi sembrani kuwi,
plus lan plus tan bisa ghatok
yen arsa narik plus kudu wani minus
kang minus rasane kaki
ples lan mines bisa mathuk
anggambuh sarta nyawiji
aja amesu sariro
minese raga nyedot materi iku
nek suksma uga ketarik,
disawijeni leluhur
malah melu ngebot – boti
iku malah ra prayugo
lamun sedulur golek donya puniku,
golek a kdatone Gusti
donyane bakal sumuyut
nanging tetep slamet kaki,
Al kitab lan hadist ono
kang disebut kedatone Gusti iku,
rasa tentrem kang sejati,
Bisane tentrem puniku,
Angen angen ra makarti
Gusti lenggah ana kono
Mangkono pisungsung nggo para kadangku
Muga kersa angagemi
Ingkang gawat jamanipun
Datan bisa diselaki
Lamun tan kersa sumonggo
Tidak ada komentar:
Posting Komentar