JANGKANITISASTRA

KITAB JANGKA NITISASTRA YANG DISARIKAN OLEH MPU BRI HAWAN NOTOSEWU DARI KITAB NYATA NITI RM.KOESEN (Berisi data-data Badan Intelejen Karaton Kasunanan Surakarta juga berisi prediksi sesuatu yang akan terjadi di seluruh dunia ini ) BOOK BY TERM NITISASTRA extracted MPU BRI HAWAN NOTOSEWU REAL BOOK OF NITI RM.KOESEN (Contains data Kasunanan Intelligence Agency Surakarta Palace also contains a prediction that something will happen around the world)

PURWAKA

Dhandhanggula

Sun anumplag panguneging ati

Cumanthoko haniru pujangga

Banget muda ing batinne

Nanging tansah ginunggung

Tan weruh akeh kang ngesemi

Kapeksa hangrumpaka

Basa kang kelantur

Tutur kang katula – tula

Tinalaten haruruh kalawan ririh

Mrih padanging sasmita

Kepareng sun matur sawetawis

Mnyat ngripteng kawi mrih tyas harsana

Nadyan balilu sastrane

Satriya Natasewu

Pisungsung rahayuning margi

Sopanane kawuryan

Tan sembarang enu

Tumedake sking sang Dwija

Sinurung ronging tiyas kinen udani

Sasmitaning kang jangka

Seket pat warsi wus prapteng Jawi

Tan kathah spating janma upiksa

Nging sun suwun aksamane

Sun calak kumalungkung

Lir satriya kajula yekti

Lingseman alit manah

Tan banter lelaku

Kepara den sia – sia

kinira gendheng, muhung mahas asepi

Doh garini tanaya

Mnawi tinampi pangastuti sun

Tedak turun turas manggyo suka

Basuki menyang akhire

kuato raganingsun

nadyan sweda deres umijil

Ngupadi Datulaya

Tentrem kang satuhu

Manedha manggya nugraha

Arjasa gung tinon hamayungi mami

Mugya kiat hanampa

Kantun maligi sawiji kapti

Nanging tan kadya malekke asta

Kedah unggul ing ajuret

Kuwandane pinesu

Acegah dahar lawan guling

Wiweka anut rasa

Mrih bisa lumebu

Kepanggih kang ingsun sedya

Borong honggo lumarap kisma pratiwi

Sgotra minulya हर्जा

PAWARTA AGUNG

Mulyaning sarira rinasa

Toto tentrem amematri

Latri myang rahino wus dadyo

Haneng sajroning buwana

Wanti mawanti trahing Barata

Wijile jati ing alase

Bawaning rat tumuju Lawu

Gambuh

Mulya kang wis tinamtu

Yan wus prentahe ronging badyayu

Toto tentrem tumanem ing sanubari

Langgeng tan ono dahuru

Trimo agenging nugroho

Hananging weruh iku

Wanuho dingin marang Sang Kayun

Wit - witing Urip kang samengko wus mijil

Borong hanggone leluru

Woro crito golekono

pangkur

Sajatine uwis nyata

Tri lan dwi manunggal dados satunggil

Ya iku kang wus den antu

Nata Gung Binathara

Tapi nora akeh kang bisa sumurup

Seket lima prapteng Jawa

Wus pinasti titi wanci

Cacawe ing Ngarcapadha

Osik lan obah hangobahi jalmi

Palungguhane Wahayu

Warangkane Satriya

Togen ing sarira pribadine iku

Anane kang mung dedana

Gunggunge tan den etangi

Sangkala sirno snalika

Rampung Ginulung tlenging sanubari

Tuntas hambengkas reridu

Tatag tutug lan tanggon

Nahan boting sanggemaning Sang Winahyu

Jangkane jinangkah teka

Wahyane agung nelahi

Iku nugraha Hyang Mana

Kunci Kuncining Kunci ran ’’Master Key’’

Sangkanipun saking IBU

Ijine saking RAMA

Mambet hangambar ambar gegandanipun

Mahanani tentrem nyata

Diesti yekti wus dugi

Asmarandana

Aneng jro kedaton Gusti

Wit urip tnandur sap sapta

Jamur barat pinayunge

Gaduhna skabehing Asma

Ginawe tenger jalmo

Neko warno Iku Ingsun

Lar gumelar bebranahan

Kinanti

Limang warni cacaheku

Manunggal wus dadi siji

Kang snumpet ing alas pudhak

Sinengker hyang Maha Suci

Neng njero mukti wibawa

Kersa mijil wus jejanji

Gambuh

K idungna mrih anggambuh

U lunen amrih bisa rumasuk

N eng ning no supaya dunung mangerteni

C ocokno ywo nganti kliru

I line swara nut rasa

dhandhanggula

A sale saka manunggal yekti

S un sabda kawula dadi Putra

M urih elinga sangkane

A ja pijer katungkul

S inireping endahe warni

E lar laring bawana

J eneng sira iku

A sal saka Jalatunda

T entrem ing wadah yekti ran Cundamani

I ng kana omahira

Gambuh

M awaso jroning kalbu

I sine keteging angga iku

J ejere ingkang tumatanipun adil

I ngkang dana siang dalu

L amun mijil mbengkas karyo

Asmarandana

P augeraning aUrip

A nane limang perkara

W ahyu pungkasan kang gede

E ka Buwana wus prapta

L ima limaning tunggal

I ki yekti wis linimpud

Ng alimputi ing sarira

Kinanti

S jatine Urip kang dunung

I ya iku kang den pundi

Ng ayomi ing akir jaman

K anugrahan kang sejati

I ng dodote wis tinambal

R a kesasar seba bali

Pangkur

Mrih lumebu Jagad Anyar

Wruha dingin mustika mustikaning

Rasa kamulaning enu

limang perkara nyata

Lima nunggal Mono wus wujud Wahayu

Yuwanane kasarira

Tumrape kawula dasih

Pusakane Puntadewa

Tembung Empu lan Saka mengku werdi

Saka Tiyang tegesipun

mPu punika utama

Sbanjure Punto pungkasan werdinipun

De iku Gede sanyata

Wa iku Wahyu sayekti

Wahyane Tiyang Utama

Yen winahyu ngerti lawan Sang Urip

Tegese Eling sangkanku

Yo mnyang paranku ika

Mula ywa pegat kongsi mlebu ing kalBu

Arane wana Ketangga

Ketege angga na ati