Pangkur
PAMEDHAR JANGKA
Wonten maleh ingkang jangka
Ngendikane Sri Jaya Baya Aji
Menyang kakang Semar iku
Kalawan mnyang Antaga
Kedawuhan hangirid sagung lelembut
Mbyantu Prabu Herucakra
Nata tedhak Sonya Ruri
Werdinipun Jaya Baya
Sasmitane Moho Suci mring jalmi
Menawi kang turasipun
Wijining Jagad Anyar
Joyo Jumenenge Toya tegesipun
kang Boyo Wadahing Toya
Jaya Baya, Asma Jati
Duk ing uni wonten jangka
Ketekan wiku saking nge-Rum kaki
Werdinipun kang angrungrum
Inggih Gusti piyambak
Mnyang ragane manungsa Gusti angrungrum
Ngajak- ngajak kinen nunggal
Njur nywara njur nyabda dadi
Ajejuluk Kameswara
Kama kang asung swara werdineki
Sbanjure kekasih Prabu
Sri Maha Jaya Warsa
Jaya Jumenenge Toya tegesipun
Kang warsa, warising rasa
Prabu Jaya Warsa Aji
Sang Wisnu ya Herucakra
Sang wisnu amung anitis kaping tri
Tegese yen isi telu
Kabeh samya manunggal
Tri Murti uwis gembleng marga wus lungguh
Manjing puled – pinuledan
Tan kawistara ji - siji
Ingkang Asma Herucakra
Her banyu Cakra bunder, bibit urip
Tirta Suci Kamandanu
Iku Basa Kawinya
Nanging luwih tuwa timbang Kawi iku
Kang diwastani Pallawa
Kabeh iku sastra Jawi
Sastra Jawi kaping papat
yo Herucakra bibiting dumadi
Ingkang saking Tlaga Tanjung
Yo Roh Suci wujudnya
Mula iku Tunjung Seta dutanipun
Ngirid skabehe lelembat
Kang lembut iku Roh Suci
Balane kala lan klabang
Iku nandakake skabehe Urip
Yen Sirrulah ajinipun
Obah polahe ska Sir
Sir iku banjur metu sabda satuhu
Ngen angen tan bisa ngadang
Kabeh kalah tumpes tapis
Mula yen para manungsa
Wis diobahake saka Roh Suci
Skabehing kadonyan pupus
Wong juti datan ana
Kabeh sumuyut wingitipun Sang Ratu
Wus tan darbe karsa dora
Wus ra perang lan korupsi
Kabeh iku bakal teka
Roh Suci iku waskita sayekti
Marga no pribadineku
Mbiyen dipun bebudak
Nuruti angen – angen nyekapi butuh
Samengko wus datan kersa
Ling den eling weling mami
Yen tan eling manggih sara
Bakal dibebonda dipun taleni
Lir suket digaru luku
Ing ngendi ndelik ira
Ingkang nggaru lan ngluku neng pribadimu
Wong kang numpuk banda donya
Tan wurung samya ngemasi
Dibeteng disap songolas
Mongso bisa uwal saka Roh Suci
Nanging yen tininggal lampus
Mangkono wancinira
Sabda Palon bangkit anggawa bebendu
Gonjang ganjing manungsa
Datan ana jalma uning
Ingkang eling lan waspada
Suprandene sira bisa mangerti
Gusti rawuh kaya pandung
Mula wis disanepa
Ing dusun – dusun saiki akeh pandung
Iku murih awas pada
Keh maling supaya eling
Banjur ana program rondha
Rondha gugah gugah wus nyasmitani
Gya wungua rasaneku
Sare nem matus warsa
Katone melek nanging sih padha nglindur
Mila awit sa’menika
Ayo enggal nglilir yekti
Wus caket tenanan ika
Pa ra weruh jangkanipun ing nguni
Siti toya dadi endut
Pernah etan bengawan
Gunung – gunung pada daup sampun estu
Alun alun munggah darat
Keh kobongan nyasmitani
Dahana simbul angkara
Alun – alun dumadi ska Tsunami
Keh pralaya marga lindu
Lapindo wetan bngawan
Kayu alas akeh kang jinarah pandung
Pantun keh diserang ama
Akeh jalma mangan jalmi
Kapan Nusantara aman
tan bisa manungsa jumeneng adil
lamun tan antuk wahayu
datan ana pimpinan
kang bisa ngluwarake saka bebendu
duh Gusti Kang Maha Welas
nyuwun gunging pangaksami
luwaraken Nuswantara
saking roba sakit ingkang ndatengi
paringana tambanipun
murih enggalo muncar
kadya duking uni negari misuwur
nuswantara gemah ripah
toto tentrem loh jinawi
kados ingkang dipun jangka
tiyang cilik wangsul dateng agrami
technologi datan kantun
rakyat da suka - suka
dhuh Gusti mbenjang mnapa mandhaping wahyu
lumebet jroning wardaya
Roh Suci kang mandegani
ngemuli sagung dumados
temtu ayem tentrem ingkang negari
eling den eling pra sdulur
obahe mnungsa ika
den kendhalekake saka kaleh unsur
suksma murka lan hangkara
diwastani Setan Eblis
ing alam donya punika
sak njabaning mnungsa na titah malih
memalaningrat kang estu
manungsa datan krasa
mring sipat kumudu sugih pinter unggul
digang digung adiguna
iku dudu ska Roh Suci
ingkang ska Roh Suci ika
anane mahanani tentrem yekti
nora iri yen ka unggul
nora pingin dipuja
uga rakepingin numpuk banda bandu
lir Begawan Abiyasa
prasaja hambeg utami
yeku tandane ’khir jaman
ingkang mandegani Gusti Pribadi
Kraton Surga kang den antu
Jangkane Nabi Isa
Sang Budha , Wisnu, Pujangga lan njeng Rasul
Rampung darmane kawula
Kabeh wus manunggal Gusti
Tembung kawula tan ana
Wis diwisuda dadi putra Gusti
Welas asih sabar jujur
Narima iklas ngalah
Hanetepi hananira hananIngsun
Gusti wus hanyarira
Kawula Gusti wus siji
Mangkono langgeng sifatnya
Tan ngagemi tembung lahir lan mati
Kang lahir lan mati iku
Sipat suksma lan wadag
Roh Suci ngagemi tembung lunga lan wangsul
Yen kawula iku Suksma
Yen Putra iku Roh Suci
Mangkono donya lir surga
Ibu Bumi suka andanawarih
Datan ana siti tandus
Tan ana heru hera
Gurun Pasir wus luar saka sesiku
Kewan galak padha jinak
Keh taneman thukul gaib
Sekabehe ilmu nyata
Lan sarwo canggih bidang technologi
Kang so dibayangke iku
Yektine bisa nyata
Amarga skabehe manungsa puniku
Wus asarira Bathara
Nganti bisa tleportasi
Puncakipun ilmu ika
Manungsa bisa kloning sipat jalmi
Nanging mnungsa datan ndaku
Gusti dewe kang karya
Manungsa amung den obahke ska kalbu
Ora ana kang suwala
Kabeh wus Gusti pribadi
Kloninge manungsa ika
Evolusine kaya mnungsa iki
Banjur angagemi tembung
Suksma titah kawula
Mangkono kang tininggal ing Bumi iku
Ingkang sarwi bebranahan
Ngrumat lan ngiseni bumi
Sadurunge dipun tinggal
Diwejang diwuruki werna – werni
Mrih diajarne tumurun
lamun kang dipun sembah,
Yo Kang karya jagad saisine iku
Nanging memorine suksma
Winates merga sking matri
Sipate Roh kang manunggal
Wus langgeng tan kesekat aling – aling
Amarga wus asipat Nur
Bisa menyang ngawiyat
Lintang mnyang lintang tan ana ruang waktu
Roh Suci wus ra gumunan
Wangsule mnyang Cundamani
iya Lintang Johar Awal
Wadahipun sedaya eRoh sami
Skabeh dumadi iku
bibite Nur Muhammad
Kalebu Srengenge, Lintang lawan Tengsu
Pramula Muhammad Rasull
Diutus karya dumadi
Ora nganggo sayidina
Roh Suci datan Jaler datan Putri
Datan enom datan sepuh
Kabeh manungsa ika
Pininta dadi jalmo asipat Rasul
Kang makili ”AKU’ ika
Yo Muhammad kanjeng Nabi
Akune saben manungsa
Karo Akune kanjeng Nabi sami
”Lamun sholawat mring ’’AKU”
Gusti paring nugraha
Roh sucine dewe – dewe iku ”Aku’’
”KU’’siji ngebaki jagad
Tresna a diri pribadi
Rassul, Kristus, Wisnu, Budha
Arane PUTRA utawa Roh Suci
Yen mnungsa kawula tuhu
ROMO lan PUTRA ika
Sejatine yo URIP lan CITRAnipun
Kang diarani kawula
Uripe kang ska materi
Kang ngobahake kawula
ngen – angen, Panca ndriya, Budi pkerti
Mula swening suwe iku
Manungsa keh durjana
Banjur Gusti ngutus Roh Suci tumurun
Asarira wadag Mnungsa
Maringi kitab agami
Mangkono tumrap kang percaya
Nganti Gusti dewe mandap ing Bumi
Liwate jroning Kalbu
Sak njeroning Manungsa
Ingkang paling gaib kang sajroning Kalbu
Sanese saking donya
Asalipun sking materi
Yektine jroning manungsa
Wus diparingi pamomong Sejati
Hati nurani puniku
Simbulipun hYang Semar
Lamun kersa nurut ati nuraniku
Manungsa wus datan samar
Wis mesti rahayu yekti
Nanging kalamun tan kersa
Kadyo ceritane jangka ing nguni
Tandure wus ijo iku
Royo – royo kang katon
Wong mlaku mnyang Kumitir bedahing enu
Njur hYang Semar datan kersa
Trimo mundur manggen wuri
Ingkang wonten ngarsa ika
ngen – angen panca ndriya lan budi pkerti
angen - angen ’’cidra’’ estu
amarga datan nyata
pancandriya sipate ’’pingin’’ iku
budi pekerti punika
sipatipun ’’owah gingsir’’
aturan ingkang dipathok
iku asal saking ngen angen yekti
ingkang anut kalbu iku
rasa tan bisa cidra
kalamun sira nerak rasa puniku
bakal hanemu dedosa
dosa iku ingkang werdi
dosa - dumadine rasa
ra bisa tentrem iku wus nemahi
lamun akeh nerak iku
nggedibel ing sarira
katon nyata marga ngrasakake estu
mula pilih anut rasa,
pa ngen - angen kang dipilih?
lamun limang atus warsa
Sabda Palon arsa anagih janji
hasile ing ngarsa iku
angkara ngambra – ambra
sabdanipun duk nalika wekdal iku
lamun wonten Tiyang Jawa
Jeneng tuwa dewe kaki
Sun ganti wonten ngarsa
Panjenengane kang dipun derek i
tandane Merapi hanjeblug
banger warih gandanya
arah – arahipun nuju ngulon ngidul
sun sebar agami Budha
yen tan purun ngagemi
sun sajekken begasakan
njur Prabu Brawijaya esmu ajrih
nanging sang prabu wus mupus
srah kersaning jawata
mangkono ing Jangka Sabda Palonipun
wonten Jangka Joyo Boyo
nggih sampun disebut yekti
Putrane Bathoro Indra
Tumedhak ing Ngarca Padha puniki
Wetan sikil Redi Lawu
Dukuh gupon tundha tiga
Dipun islah sedalu sabdane Rasull
BOOK BY TERM NITISASTRA extracted MPU BRI HAWAN NOTOSEWU REAL BOOK OF NITI RM.KOESEN (Contains data Kasunanan Intelligence Agency Surakarta Palace also contains a prediction that something will happen around the world)
Tidak ada komentar:
Posting Komentar