Pocung
ALAMAT DONGA
Kalamun jeneng sira duwe panyuwun
Jo salah alamat
Tibakna telenging Ati
Ora susah ndangak lir Dewa Naradha
Nadyan ra nyuwara Gusti pirsa langkung
Kabeh kebutuhan
Tan njaluk Gusti wus Uning
Nyuwuna Urip,slamet, tentrem lan waras
Kalamun nyuwun saliyane puniku
Wani a nelangsa
Supaya aglis dumugi
Gusti lenggah ing telenging rasanira
Aja nyenyuwun marang para leluhur
Jare cepet teka
Ananipun suksma kuwi
Nandakake kalamun durung sampurna
Suksma – suksma kang isih nglembara iku
Datan ngerti dalan
Pamomonge wus ngoncati
Duwek’e suksma kari rasa pangrasa
Lamun rasa pangrasane susah iku,
Sinebut ing nraka
Persis lir kadya ing ngimpi
Seneng katon bungah, sedih krasa susah.
Kang marai bungah lan susah puniku
Ing donya kabandha
Memori Ginawa mati
Eling tresna mring anak, bojo lan arta
Suksma iku panggone ing kayu watu
Pangrasane omah
Sapa wong bisa meruhi
Iyo ngono kuwi rumangsane suksma
Kaya kayalan awake dewe iku,
Ngen – angen krajaan,
Iku pangrasane yekti.
Kabeh fatamorgana tan ana nyata
Mangkana uga suksma – suksma kang bingung
Angen – angen nyipta
Rumangsa ayu lir dewi
Kang ketarik rumangsane iku nyata
Kanggone wong ingkang awas ing pandulu,
mlaha katon cetha,
tinon kisut lir mak lampir
Mula ja kolaborasi karo suksma.
BOOK BY TERM NITISASTRA extracted MPU BRI HAWAN NOTOSEWU REAL BOOK OF NITI RM.KOESEN (Contains data Kasunanan Intelligence Agency Surakarta Palace also contains a prediction that something will happen around the world)
Tidak ada komentar:
Posting Komentar