Dhandhanggula
GLOBAL WARMING
Ingkang diwastani ’’Global Warming’’
Iku pemanasan kang warata
Temene apa sebabe?
Pencairan ing kutub
Fungsi kutub nggo penyetabil
Iklim kang ana donya
Panas dadi idhum
Mnawa atis krasa panas
Dayanipun kutub bisa mahanani
ambengkas panas Surya
sebabe panas ana ing bumi
amargane efek rumah kaca
iku amarga tipise
lapisan ana ndhuwur
kang dipancarke kutub kuwi
dayanipun wus lemah
kutub kurang minus
amarga rusaking alam
ingkang nuwuhake gas metana hydrit
lan karbondioksida
Gas metana iku mbebayani
Ping trilikur timbang CO dua
Milyaran tons ing jumlahe
Akeh beku ing kutub
Kalamun akeh ingkang cair
Atmosfir saya panas
Yen nganti kebacut
’keh jalmo tekeng pralaya
Ana maneh hutan alas ditebangi
CO dua linepas
Ana gegana ngrusak atmosfir
Alas akeh nyerab CO dua
Mula alas keh fungsine
nging wus akeh kang rubuh
marga manungsa kang ambathi
nguja angkara murka
tan mikir bebendu
kinira slamet kewala
datan mikir saturun – turun kawuri
kang angunduh rekasa
ana gas kang asung kontribusi
ping telung atus luwih bahaya
katimbang CO duane
asale saka pupuk,
lan CFC gas – gas pendingin
ran Nitrogen Oksida
CO dua iku,
Karo CH4 ika,
Ditambah NO penyebab Global Warming
Kabeh iku wus nyata
Gas – gas mau yen kena atmosfir
Nipiske lapisan Rumah Kaca
Tan bisa nahan Srengenge
Sorote tan kabendung
Rumah Kaca tan darbe fungsi
Kalangkung panas donya
Wus lemah Ass Kutub
Awit purbane manungsa
Ndadekke nangise kang Ibu Pertiwi
Tan ngreksa malah murba
Lamun mnungsa isa murba bumi
Bumi genti amurba manungsa
Kalamun teka wancine
Ibu banget sing muwun
Tangise bisa ngeleb jalmi
Keh kang manggih pralaya
Yen ibu njur watuk
Ngetokake lindu horeg gonjang – ganjing
Ibu, enggal menenga
Ibu Bumi sampun nggene nangis
Amarga manungsa datan pirsa
Kang nuwuhaken rusake
Amargi pokalipun
Suksma titah kang wonten njawi
‘‘Kama Wurung‘‘ manungsa
Kalawan ‚‘‘Sri Mawur‘‘
Suksma murka lan hangkara
Kang asung kontribusine Global Warming
Nyarira dateng manungsa
Para Putra kang nderek mengsahi
Kanjeng Rama kang murba wasesa
Ibu enggalo gumujeng
Sampun anggene muwun.
Mangkono sebabing dumadi
Akeh manungsa kapurba
Suksma njawi iku
Kang padet ana gegana
yaiku penyebab yekti Global Warming.
Manjing nyetir manungsa
Datan bisa dipuntanggulangi
lamun nora Sang Wisnu Priyangga
Tumedak hangrampungake
Hanumpes kang reridu
Banjur manungsa bisa eling
Angkara sampun sirna
Musibat wus surut
Njur ganti Jaman Kencana
Tandanipun Kutub lor Kidul wus ngalih
Ska Kulon terbit surya
Sungsang buwana bawana balik
Mangkono tandane akhir kalpa
Para janma wis sumende
Amung sendika dawuh
Roh Suci nangkoda pribadi
Jalmo mukti yuwana
Ibu kersa ngguyu
Rama wlas asih lan tresna
Putra mung olah Asmara sukeng ati
Tentrem mukti wibawa
BOOK BY TERM NITISASTRA extracted MPU BRI HAWAN NOTOSEWU REAL BOOK OF NITI RM.KOESEN (Contains data Kasunanan Intelligence Agency Surakarta Palace also contains a prediction that something will happen around the world)
Tidak ada komentar:
Posting Komentar