Kinanthi
PAMEDHAR JANGKA
Sapa Jeneng Tua iku ?
Semono ingkang wewangi
Se – Sejati , Mono – Tunggal
Katimbang skabehe Asmi
Semono kang luwih tua
Jeneng tansah di agemi
Yen Gede yo smono iku,
Yen cilik yo smono iki,
Mbiyen duk naliko smana,
Kabeh Mono kang mengkoni.
Semono, tansah disebat.
Mulo kang tuwa pribadi.
Semono sipate iku
Sjatine Tunggal ya Gusti
Wonten pakem pedalangan,
Purba wasesane Gusti
Diparingke Hyang Ismaya
Putrane Hyang Tunggal Sjati
Njur Purba wasesanipun
Semono ingkang samangkin.
Semono sanes manungsa
Roh Suci manunggal Gusti
Wadagipun aneng ndonya
Pak Semono ingkang nami
‘’Gunung kendeng’’ kang dedunung
Tlatahipun wonten pundi?
Gunung Damar Kalinangka
Sih Yogyakarta puniki
Saking Mrapi ngidul ngulon
Nggondo banger ingkang warih
Nggih kang den singkiri iku
Inggih punika Roh Suci
Amargi den sia – sia
Muncule tan dikersani
Manungsa sami kabanda
Datan bisa ngujo napsi
Gunung Merapi puniku
Metunipun Rasa saking,
Palungguhan Ingsun ingkang,
Dedunung gaibing Urip.
Kang Gunung Kendheng punika
Gaib kang dunung ing bumi
Nuswa kendheng kang dikandung
Wkasan dadi Tanah Jawi
Medune wahyu sepisan
Aneng Tanah Jawa kaki .
Wong sandonya turas Jawa
Njur bebranahan ngebaki
Jawa Jumenenge wahyu
Skabehe wernane kulit
Putih KuningIreng Abang.
Sawo Mateng dadi siji
Sadonya turase Jawa
Mulane ing madya akhir
Wahyu bali sangkanipun
Tmurun Jawi hangawiti
Sikil Lawu sisih wetan
Perak Barat dunung neki
Di wisuda stunggal dalu
Pngeran Muhammad kang Nami
Putro Noto trahing Rasull
Ingkang Ibu Prameswari
Ingkang ngasto Kunci Jagad
Kang diwastani ”Master Key’’
Kagungane Gusti Amad
Akeh wong padha nggolek i
Tan kasad mata puniku
Miyosipun krana gaib
Kinira bleger manungsa
Mula katah kang tan panggih
Kang saget kepanggih ika
Ingkang Pininto Pinilih
Gusti Yesus sabdanipun
Arsa mudhun kadya maling
Kinen Eling lan Waspada
Kathah tiang ingkang nenggi
Bangkite hamadha raga
Temtu datan bisa panggih
Wonten maleh ingkang ngantu
Tokoh Nami Imam Mahdi
Margo yen nyawang wadagnya
Tan wonten gambar njeng Nabi
Tan Ginambar wus sanepa
Cahyo wujude Roh Suci
Lamun panggih tokohipun
Datan kersa golek murid
Sarirane Binathara
Mujijate tan nggadahi
Nanging apa apa bisa
Ngendikane mahanani
Samya ajrih waladipun
Perbawane gung nelahi
Kabeh pitakon kajawab
Sektine datanpa aji
Mungsuh tumpes tapis sirna
Sabdane kabeh malati
Pirsa lahire leluhur
Pindha hanunggal sa’ari
Yen nglurug datanpa bala
Menang tan ngasorke yekti
Sapa iku waspadakna
Mijile ingkang Piningit.
Putra swargi Sunan Lawu.
Yeku Wisnu Krisna Murti.
Putra Sulung kang kinasih.
Yo Yesus Kristus Mesias,
Yo Muhammad Rasulullah.
Ajejuluk Imam Mahdi.
Lawu iku langgeng Wujud.
Putra lenggahipun Gusti.
Sunan yaiku susunan,
Swargi iku Sonya Ruri.
Wisnu gesang kang wis nunggal.
Nunggal lawan Sang hYang Widhi.
Kresna langgeng Citranipun.
Citra, wewayange Gusti
Kang Murti iku wastanya,
Manunggal Urip Sejati.
Putra - Rama, Rama - Putra
Yo Urip gedhe lan cilik.
Njur Sang Nata ajejuluk,
yeku ‘’Candra Siji Jawi’’,
yo ing Jangka Jaya Baya,
Candra Siji Jawi kuwi,
wastane Setunggal Sura,
sura ‘ku Rasa Sejati,
yo lakune sabda iku,
yo lakune Banyu Urip,
ingkang tansah menang yudha,
Gusti Amad Surohing,
Alogo, sesebatannya,
Yoiku Urip Sejati.
Lamun pendhak Sura iku,
Nguntapke Kumara yekti.
Kang wus katam nebus dosa.
Sura iku dudu Sasi,
Sura ’ku lakune sabda.
Lakune Rasa Sejati
Ingkang sinabda tumurun
Wujudipun mung Roch Suci.
Kang nguntapake kumara,
Yo mijile Rasa Sjati.
Bisa nyowanke kang Kwasa.
Marga gembleng nunggal suci.
Kang sampun mijil puniku
Herucokro Semono Ji
Bibite urip sajagad
Lintang Srengenge lan Sasi
Uga kang tuwuh ing Bumi
Sking Herucokro bibitnya
Sang Nata dedukuhipun
Gupon tunda tiga kaki
Pindha Raden Gatutkaca
Mpleg – empleg an nyarirani
Badan Rochani sepindhah
Badan Wadag lan Jasmani
Tri Sula Wedha puniku
Gegamanipun Sang Aji
Ing kene tan winursita
Nging arsa uning pribadi
Lamun kersa hangagema
Wreksanipun Sang hYang Widhi
Indonesian Rupiah Exchange Rate
Tidak ada komentar:
Posting Komentar